پاکستان پیپلز پارٹی کے متوقع امیدوار سابقہ ایم ڈی نٹکو ظفر اقبال کا ہنزہ علی آباد میں جلسہ 

ہنزہ نگر(بیورورپورٹ) پاکستان پیپلز پارٹی کے متوقع امیدوار سابقہ ایم ڈی نٹکو ظفر اقبال نے ہنزہ علی آباد میں سیاسی جلسہ کیا اور باقاعدہ الیکشن میں حصہ لینے کا اعلان کیا انھوں نے مزید کہا کہ اگر پارٹی نے کسی اور امیدوار کو ٹکٹ دی تو میں پارٹی فیصلے کا احترام کرتے ہوئے اس کا بھر پور ساتھ دونگا۔

ظفر اقبال سابقہ ایم ڈی نٹکو کے حیثیت سے اپنا خدمات سر انجام دیتا رہا ہے اور گزشتہ دو سالوں سے سلک روٹ ڈرائی پورٹ ٹرسٹ کا چیرمین کے طور پر خدمات سرانجام دے رہا ہے۔

پیپلز پارٹی کے متوقع امیدوار ظفر اقبال نے عمائدین ہنزہ سے بات کرتے ہوئے پاک چائینہ اقتصادی راہداری کو پاک پنجاب چائینہ راہداری قرار دیتے ہوئے اسکو مسترد کیا ۔

اس موقعے پر پاکستان پیپلز پارٹی کے رہنماوٗں کا کہنا تھا کہ اس منصوبے پر پارٹی چیرمین سابقہ صدر پاکستان آصف علی زرداری نے کام شروع کیا تھا اور بدقسمتی سے احسن اقبال نے اس میں تبدیلی کی اور موجودہ منصوبے سے گلگت بلتستان کے لوگوں کو کوئی فائدہ نہیں ہوگا اسی وجہ سے ہی سپیکر قانون ساز اسمبلی وزیر بیگ نے راہداری کانفرنس میں عوام کی ترجمانی کرتے ہوئے احتجاج کیا ہے ۔