متفرق
طیارہ حادثےمیں جان بحق ہونے والے نثار الدین کو آبائی گاوں اوشکھنداس گلگت میں سپرد خاک کر دیا گیا
گلگت(فرمان کریم بیگ) چترال سے اسلام آباد جانے والی پی آئی اے کی فلائیٹ پی کے661میں جان بحق ہونے والے نثار الدین کی نماز جنازہ اُن کے آبائی گاوں اوشکھنداس گلگت میں ادا کر دی گئی۔
پی آئی اے کی فلائیٹ پی کے 661کے بدقسمت طیارے میں اوشکھنداس گلگت سے تعلق رکھنے والے نجی بنک کے ملازم نثار الدین بھی سوار تھے۔ بدھ کے روز نثار الدین کی لاش کو ڈی این اے ٹیسٹ کے بعد شناخت کر لیا گیا۔ میت کو بذریعہ شاہراہ قراقرم گلگت پہنچایا گیا ۔ جمعرات کے روز مرحوم کو اُن کے آبادئی گاوں اوشکھنداس گلگت میں نماز جنازہ ادا کرنے کے بعد ہزاروں اشکبار آنکھوں کے سامنے سپرد خاک کیا گیا۔
مرحوم کی نماز جنازہ معروف مذہبی اسکالر الواعظ فدا علی ایثار نے پڑھائی۔
آپ کی رائے
