حادثات

سکردو سے گلتری جانے والی گاڑی حادثے کا شکار، ڈرائیور جان بحق، دو مسافر شدید زخمی

سکردو (جی ایم ) صبح سات بجے سکردو سے گلتری جانے والی مسافر گاڑی سدپارہ ٹاپ کے قریب موڑ کاٹتے ہوئے حادثے کاشکار ہوگئی، جس کے نتیجے میں ڈرائیور محمد حسین ولد غلام حسین ساکن فرنشاٹ موقع پر جاں بحق، جبکہ گاڑی میں سوار مسکین ولد غلام قادر ساکن بُنیال اور حسنین ولد ابوذر ساکن بُنیال شدید زخمی ہو گئے۔ زخمیوں کو اور جاں بحق ہونے والے نوجوان محمد حسین کی لاش کو ڈسٹرکٹ ھیڈ کوارٹر ہسپتال سکردو لایاگیا ہے۔

 واقعے کی اطلاع ملتے ہی سکردو میں مقیم اہلیان گلتری ہسپتال پہنچ گئے، جبکہ شہرسکردو میں سوگ کا سماں رہا۔ جاں بحق ہونے والا چالیس سالہ ڈرائیور محمد حسین نہایت ملنسار خوش اخلاق اور دوستوں کا دوست تھ،ا اُن کی وفات سے گلتری کا ہر شخص مغموم ہے۔

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button