چلاس ( شہاب الدین غوری سے ) مسلم لیگ ن دیامر کا ایک ہنگامی اجلاس ضلعی صدر مسلم لیگ ن دیامر عبدالوحید کی صدارت میں منعقد ہوا اجلاس میں مسلم لیگ ن دیامر کے ضلعی عہدیداروں کے علاوہ کثیر تعداد میں کارکنوں نے شرکت کی اجلاس سے اظہارخیال کرتے ہوئے صدر مسلم لیگ ن دیامر عبدالوحید نے کہا کہ میاں نواز شریف کو ناکردہ گناہوں کی سزا دی گئی ۔ عوام کے منتخب کردہ وزیراعظم کا عدالتی قتل کیا گیا ۔ عوام کو عدالتی فیصلے پر شدید تحفظات ہیں ۔ انہوں نے کہا کہ جب بھی ملک ترقی اور خوشحالی کی جانب گامزن ہوا ایک سوچی سمجھی سازش کے تحت سیاسی بحران پیدا کرنے کی کوشش کی گئی ۔ نواز شریف کا جرم یہ تھا کہ انہوں نے سی پیک جیسے اہم منصوبے کو کامیابی کے ساتھ آگے بڑھایا ، ملک کو ترقی کی راہ پر گامزن کیا ۔ پاکستانی عوام آج بھی میاں نواز شریف کو اپنا وزیراعظم سمجھتی ہے ۔ انہوں نے مزید کہا کہ جمہوریت کے خلاف سازشیں بند نہ کی گئی تو خنجراب سے کراچی تک احتجاج ہو گا ۔۔۔۔۔۔
