گلگت بلتستان میں خصوصی تعلیم کے مراکزکا قیام عمل میں لایاجارہاہے۔ چیف سیکریٹری

گلگت بلتستان میں خصوصی تعلیم کے مراکزکا قیام عمل میں لایاجارہاہے۔ چیف سیکریٹری

14 views
0
Share on FacebookTweet about this on TwitterShare on LinkedInPin on PinterestShare on Google+

گلگت (پ ر ) چیف سیکریٹری گلگت بلتستان ڈاکٹر کاظم نیاز نے کہاہے کہ علاقے میں خصوصی تعلیم کے مراکزکا قیام عمل میں لایاجارہاہے۔ جس کے لیے سنجیدہ اقدامات کئے جارہیں ہیں۔ علاقائی زبانوں کی پذیرائی کے لیے بھی کوششیں کررہے ہیں ۔ ہمیں خطے کے خصوصی بچوں پر توجہ دینے کی ضرورت ہے تاکہ انکی حوصلہ افزائی ہوسکے خصوصی بچے تمام تر صلاحتو ں سے بھر پورہوتے ہیں ان پر تھوڑی سی توجہ معاشرے کے لیے سود مند ثابت ہوسکتی ہے ۔ اساتذہ اپنے فرائض کو احسن طریقے سے نبھائیں۔سکردو ،غذر اور چلاس میں اسپیشل ایجوکیشن سنٹرزبنارہے ہیں ۔ ان خیالات کا اظہار انہوں نے گلگت سپیشل ایجوکیشن سنٹر میں منعقدہ ایک روزہ سمینار بعنوان Autism Dyslexia and inclusive Education’کی پہلی نشست سے بحثیت مہمان خصوصی خطاب کرتے ہوئے کیا۔

تعلیم دینا اور حاصل کرنا پیغمبرانہ پیشہ ہے اور اسے احسن طریقے سے بخوبی انجام دینا شیوہ پیغمبری ہے اساتذہ کا اہم کردار معاشرے میں انہیں ایک کارآمد شہری اور مفید فرد بناسکتاہے ۔ اور اللہ تعالیٰ انہیں آخرت اور دنیا میں اجر عطاکریگا۔ اس موقع پر اپنے خطاب میں انہوں نے کہاکہ ہمیں ماہرین تعلیم کے تجربات سے مستفید ہونا چاہیے۔آج کے دور میں کو ئی بھی عقل وشعور رکھنے والا شخص تعلیم کی اہمیت سے انکار نہیں کرسکتا ، سپیشل یا ڈس ایبل افراد کے لیے تعلیم کے ساتھ ساتھ بحالی بھی انتہائی اہمیت کا حامل ہے۔

سمینار سے خطاب کرتے ہوئے دیگر مقررین نے کہاہے کہ اس طرح کے سمینارز اور سیشنزکے انعقاد سے ماہرین تعلیم اور ریسرچرزکی روشن آرا اور تجربات کی روشنی میں ہمیں بہت کچھ سمھجنے کو ملے گا۔

مقررین نے اپنے خطاب میں اس بات پربھی زور دیتے ہوئے کہا کہ خصوصی بچوں کو ایسے پلیٹ فارمز مہیا کئے جائیں جس کے مطابق ان کو نظام تعلیم کی سہولیات مہیاکی جاسکیں۔ مقررین نے مذید کہاکہ گلگت بلتستان کا ہر بچہ سکول میں اچھااور گلگت بلتستان کے ہر بچے کو اس کے گھر کی دہلیز پر مفت تعلیمی سہولیا ت کی فراہمی کے نعروں کو عملی جامع پہنانے کے لیے محکمہ تعلیم نے شمولیاتی تعلیم کے نظام کو رائج کرکے تمام نارمل سکولوں میں خصوصی بچوں کو بھی تعلیم دینا اور ان سکولوں کے اساتذہ کو تکنیکی بنیادوں پر تربیت دیکر خصوصی طریقہ تدریس سے بہرہ مند کرنا ہے ۔

تقریب سے ماہرین تعلیم و ماہرین نفسیات میں ڈاکٹرجواد خالد نعیم، ڈاکٹر لیلٰی ،ڈاکٹر صادق ، نعیمہ بشری ٰملک و دیگر نے بھی خطاب کیا۔سمینارمیں سیکریٹری انفارمیشن گلگت بلتستان فداحسین ، سیکریٹری مالیا ت محمد یحییٰ اخونذادہ،سیکریٹری تعلیم حاجی ثناء اللہ ،سیکریٹری سیاحت وقار علی خان ، سیکریٹری زراعت خادم حسین ، سیکریٹری صحت سعید اللہ نیازی ، ڈائریکٹر تعلیم و دیگر اعلیٰ آفسران شریک تھے۔سمینا ر میں سیکریٹری تعلیم ثناء اللہ نے چیف سیکریٹری ڈاکٹر کاظم نیاز اور دیگر کو علاقے کی روایتی ٹوپیا ں پیش کیں۔

سپیشل ایجوکیشن گلگت میں منعقدہ سمینار سے خطاب میں چیف سیکریٹری گلگت بلتستان ڈاکٹر کاظم نیاز نے سیکریٹری تعلیم ثناء اللہ کی تعلیم کے شعبے میں خدمات کو سراہتے ہوئے کہاکہ میر ی ٹیم میں ایک قابل اور فرض شناس آفیسر شامل ہے جن پر ہمیں فخر ہے ۔ گلگت بلتستان میں پائیدار ترقی اور تبدیلی یہاں کے مقامی آفیسروں کے ذریعے ہی آئے گی۔ چیف سیکریٹری گلگت بلتستان ڈاکٹر کاظم نیاز نے محکمہ تعلیم سے اپنے مکمل تعاون کی یقین دہانی کراتے ہوئے کہاکہ محکمہ کو درکار جو بھی فنڈز چاہیے مہیاکیئے جائنگے۔

چیف سیکریٹری گلگت بلتستان ڈاکٹر کاظم نیاز کے سمینار سے خطاب میں اس وقت صورتحا ل دلچسپ ہوئی جب انہوں نے شعر پڑھ کر سنایا اور شرکاء نے خوب داد دی انہوں کے شعرسناتے ہوئے کہاکہ ہم بدلتے ہیں رخ ہوا وں کا۔۔۔۔ آئیے دنیا ہمارے ساتھ چلے۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔