گلگت(پ،ر) ترجمان گلگت بلتستان حکومت فیض اللہ فراق نے کہا کہ پشاور خود کش بم دھماکہ افسوس ناک ہے ،اے آئی جی اشرف نور کی قربانی دہشت گردوں کی شکست ہے ۔ ترجمان نے مزید کہا کہ مٹی سے عقیدت و محبت کی داستان میں گلگت بلتستان ایک اور لہو رنگ قربانی دے گئی ،گلگت بلتستان حکومت اس افسوس ناک واقعہ پر اظہار افسوس کے ساتھ شہید کی عظیم قربانی کو خراج عقیدت پیش کرتی ہے اور پسماندگان کی غم میں برابر کے شریک ہے۔ترجمان نے مزید کہا کہ جب تک اس ملک سے دہشت گردی کا خاتمہ نہیں ہوگا ملک کا بچہ بچہ امن کے قیام کیلئے کسی قربانی سے دریغ نہیں کرے گا۔
پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔
