تازہ ترین اپ ڈیٹس October 6th, 2021 2:23 PM
گلوداس کے 4 اور پکورہ کے 3 افراد میں کورونا وائرس کی تصدیق
اشکومن(کریم رانجھا) ؔگلوداس کے چار اورپکورہ کے تین افراد میں کرونا کی تصدیق،متاثرین پہلے سے ہی قرنطینہ میں ہیں۔چٹورکھنڈ سے تعلق رکھنے والے پیپلز پارٹی غذر کے بانی اورصدر مشروف عالم گزشتہ سال سے کینسر کے موذی مرض میں مبتلا ہیں جنہیں گزشتہ دنوں چیک اپ کے لئے گلگت لے جایا گیا تھا جہاں سے واپسی کے بعد چار روز کے اند ر تکلیف میں شدت کے باعث دوبارہ گلگت منتقل کیا گیا جہاں چیک اپ کے اگلے روز مبینہ طور پرکرونا مثبت آنے کے باعث محمد آباد ہسپتال منتقل کردیا گیا ہے۔
مریض کے ساتھ رابطے میں رہنے والے ستائیس افراد کا سیمپل لیا گیا تھا جن میں سے آٹھ افراد کا ٹیست منفی جبکہ سات افراد کا مثبت رپورٹ ہوا ہے۔ دیگر کے کورونا ٹیسٹ کا رزلٹ آناباقی ہے۔
رپورٹ کے مطابق متاثر ہونے والے چار افراد کا تعلق گلوداس سے اور تین کا تعلق پکورہ سے ہے، اوروہ آپس میں رشتہ دارہیں۔ متاثرہ افراد میں ایک کی عمریں بالترتیب 67، 48، 40 اور 36 ہے، جبکہ کم عمر متاثرہ افراد میں 15 اور 8 سال کی لڑکیاں، اور ایک تین سالہ متاثرہ فرد بھی شامل ہے۔
