چینی سفارت خانے کی درخواست پر 16 اگست سے 15 ستمبر تک کوئی بارڈر پاس جاری نہیں کیا جارہا، محکمہ داخلہ کی وضاحت

گلگت(پ ر)محکمہ داخلہ کے ترجمان نے چائنیز امیگریشن کی جانب سے بارڈر پاس پر سفر کرنے والے افراد کو روکے جانے کے معاملے کی وضاحت کرتے ہوئے کہا ہے کہ وزارت خارجہ کی جانب سے 16اگست کو جاری کیا گیا مراسلہ 19اگست کو ملا جس میں کہا گیا تھا کہ حکومت چین کی جانب سے سفارت خانے کے ذریعے سے درخواست کی گئی تھی کہ 16اگست سے 15 ستمبر تک کوئی بارڈر پاس ایشو نہیں کیا جائے اسی طرح کے ہدایات پچھلے سال بھی جاری کی گئی تھی کہ 10گست سے تین ستمبر تک کوئی برڈر پاس ایشو نہیں کیا جائے ۔اس سال مراسلے کی وصولی سے قبل جو بارڈر پاسز اشو کئے گئے تھے ان افراد کو چائنیز امیگریشن نے اپنے حدود میں سفر کرنے سے روک دیا ترجمان کے مطابق مسافروں کے مشکلات کو مد نظر رکھتے ہوئے حکام نے اس معاملے کو وزارت امور خارجہ کے ساتھ اٹھاتے ہوئے اس کو فوری حل کرنے کی سفارش کی ہے ترجمان نے کہا کہ اس بارے میں باقاعدہ مراسلہ ارسال کیا جا چکا ہے اور وزارت امور خارجہ میں چین کے ڈیسک پر تعینات ڈائریکٹر سے تواتر رابطے میں ہیں۔