اسلام آباد(پ۔ر)سپیکر حاجی فدا محمد ناشاد اقوام متحدہ کے تعین کردہ ترقیاتی اہداف کےحصول کے حوالے سے منعقیدہ دو روزہ کانفرنس میں شرکت کرنے کے لیے امریکہ روانہ ہوگئے۔اقوام متحدہ کے زیر اہتمام اس کانفرس میں سپیکر اسمبلی گلگت بلتستان کی نمائندگی کرتے ہوئے گلگت بلتستان کو درپیش مسائل کے حل کے لیے بین الاقوامی اداروں اور رہنماؤں کی توجہ اس جانب مبذول کرانے کی بھر پور کوشش کرینگے۔سپیکر اسمبلی نے روانگی سے قبل بتایا کہ اقوام متحدہ کے تعین کردہ ترقیاتی اہداف کے حصول کے لیے نیویارک امریکہ میں یہ دو روزہ کانفرس اقوام متحدہ کے ہیڈ کواٹر میں منعقد ہورہی جس میں شرکت کے لیے اقوام متحدہ کی جانب سے سپیکر اسمبلی کو دعوت دی گئی تھی جسے انہوں نے قبول کیا۔واضح رہے کہ سپیکر اسمبلی حاجی فدا محمد ناشاد نے اقوام متحدہ کے تعین کردہ ترقیاتی اہداف کے حصول کے لیے بنائی گئی ٹاسک فورس کی سربراہی کرتے ہوئے انتہا ئی سنجیدہ کام کیا ہے اور ممبران اسمبلی کے اے ڈی پی کو ترقیاتی اہداف کو مد نظر رکھ کر خرچ کرانے میں اہم کردار ادا کیا ہے جسے قومی و بین الااقوامی سطح پر بھر پور پذیرائی ملی ہے۔
آپ کی رائے
