محکمہ زراعت اور ایل ایس اوز کے دعووں کے برعکس ہنزہ میں درختوں پر کیڑوں کے حملے جاری، کروڑوں کا نقصان
ہنزہ ( رپورٹ اسلم شاہ )محکمہ زراعت اور ایل ایس او ز کے دعوں کے برعکس ہنزہ میں حملہ آور کیڑوں کی تباہی جاری پھلداراور غیر پھلدار درخت تباہ، کسانوں کو لاکھوں کا نقصان اور علاقے کا کروڑوں کا نقصان۔ہنزہ کریم آباد اور اس سے ملحقہ علاقے حیدر آباد ،التت ،احمد آباد اور دیگر علاقوں میں حملہ آورکیڑوں کی تباہی جاری ہے تفصیلات کے مطابق متاثرہ علاقوں میں موسم خزاں کا سا سماں ہے اور تمام پھلدار اور غیر پھلدار درخت سوکھے جارے ہیں جبکہ کیڑوں کے اثر سے وہاں جانے والے تمام افراد خارش کا شکار ہوتے ہیں اور اب یہ حملہ آوار کیڑے آہستہ آہستہ رہائشی علاقوں میں داخل ہو رہے ہیں جس کے بعد دیگر فصلوں کو بھی نقصان پہنچانے کا خدشہ ہے واضح رہے کہ ہنزہ خوش ذائقہ میووں اور خاص کر خوبانی ،سیب،چیری اور دیگر میوہ جات کے لیے مشہور ہے اس سال ان کیڑوں کے حملے کی وجہ سے یہ تمام پھل دار درخت متاثر ہوئے ہیں اور پھلوں کے باغات کو شدید نقصان پہنچا ہے۔
یاد رہے کیڑوں کا یہ حملہ گزشتہ دو سالوں سے جاری ہے مگر محکمہ زراعت اور محکمہ جنگلات کی عدم توجہی کے باعث اب حالات سنگین ہو گئے ہیں جبکہ نام نہاد فلاحی تنظیمیں اور حکومتی ادرے محض دعوں تک ہی محدود نظر آتے ہیں اور زمینی حقائق ان کے دعوں کے برعکس نظر آتی ہیں علاقہ مکینوں کا اب متاثرہ علاقوں میں جانا ہی مشکل ہو گیا ہے ادروں کو ایک دوسرے کی گُن گانے کے بجائے اس مسلے کے حل کے لیے سنجیدگی دیکھانے کی ضرورت ہے اور عملی اقدامات اُٹھانے کی ضرورت ہے۔ مقامی انتظامیہ اس مسلے توجہ دے اگر بر وقت اس مسلے کی طرف توجہ نہ دی گئی تو اس پورا خطہ متاثر ہو سکتاہے۔
