چلاس: تھک میں سیلاب کی تباہ کاریاں دوسرے روز بھی جاری، ایک درجن سے زائد مکانات کو نقصان پہنچا

چلاس (   ڈسٹرکٹ رپورٹر )  چلاس کے علاقے تھک میں سیلاب کی تباہ کاریاں دوسرے دن بھی جاری ، ایک بار پھر سیلاب کے نتیجے میں متعدد مکانات زرعی اراضی شدید متاثر ،واٹر چینل تباہ ،  لینڈ سلائیڈنگ اور مٹی کے تودے گرنے سے شاہراہ بابوسر ناران مزید بلاک ہو گئی ۔ گزشتہ روز ہونے والی تباہ کن بارشوں کے بعد چلاس کے علاقے  تھک چھراٹ  میں ایک بار پھر گرج چمک کے ساتھ تیز بارش کے بعد سیلاب آگیا ۔ لوگوں نے بھاگ کر جانیں بچائیں ۔ سیلاب کے نتیجے میں ایک درجن کے قریب مکان ، سینکڑوں ایکڑ اراضی کو شدید نقصان پہنچا جبکہ واٹر چینل مکمل طور پر تباہ ہو گئے ۔ جگہ جگہ لینڈ سلائیڈنگ کے باعث شاہراہ بابوسر ناران مزید ٹریفک کی آمد و رفت کیلئے بند ہو گئی ۔ این ایچ اے ، نیشنل ڈیزاسٹر منیجمنٹ ، ضلعی انتظامیہ اور محکمہ تعمیرات عامہ دیامر نے شاہراہ بابوسر ناران کی بحالی کیلئے بھاری مشینری کے ذریعے کام شروع کردیا ہے ، ضلعی انتظامیہ کے مطابق  چوبیس گھنٹوں تک شاہراہ کو ٹریفک کی آمدورفت کیلئے مکمل بحال کر دیا جائے گا ۔۔۔۔۔

Print Friendly, PDF & Email

آپ کی رائے

comments