ٹریڈ ڈویلپمنٹ اتھارٹی آف پاکستان کے زیر اہتمام ‘سی پیک تجارتی مواقعوں’ کے موضوع پر سیمینار منعقد

ٹریڈ ڈویلپمنٹ اتھارٹی آف پاکستان کے زیر اہتمام ‘سی پیک تجارتی مواقعوں’ کے موضوع پر سیمینار منعقد

18 views
0
Share on FacebookTweet about this on TwitterShare on LinkedInPin on PinterestShare on Google+

گلگت: ٹریڈ ڈویلپمنٹ اتھارٹی آف پاکستان کے زیر اہتمام’’ سی پیک تجارتی مواقعے‘‘ کے موضوع پر منعقدہ سیمنار سے خطاب کرتے ہوئے فورس کمانڈر میجر جنرل ثاقب محمود ملک نے کہا ہے کہ سی پیک میں ون روڈ ون بیلٹ کے زریعے سے تجارت کی ترقی کے لئے کام شروع ہو چکا ہے ۔ جس کے لئے ٹریڈ ڈویلپمنٹ اتھارٹی اپنا کر دار ادا کر رہی ہے ۔

فورس کمانڈر نے کہا کہ گلگت بلتستان میں دنیا کی بڑی بڑی پہاڑیاں اور تین عظیم پہاڑی سلسلے ملتے ہیں یہاں پر سو سے زائد جھیلں ہیں یہاں پر میوہ جات کی بہتات ہے ایک اندازے کے مطابق گلگت بلتستان میں سالانہ 57 ہزار میٹرک ٹن فروٹس ضائع ہو رہے ہیں انہوں نے کہا کہ حکمت عملی مرتب کر کے سی پیک منصوبوں میں تعلیم صحت اور انفر ا سٹرکچر جیسے منصوبوں کو شامل کیا جائے تاکہ سی پیک کی وجہ سے یہ خوبصورت خطہ اور پورا ملک ترقی کی منازل طے کرتے ہوئے آگے بڑھ سکے ۔

انہوں نے کہا کہ سیاحت ‘ معدنیات جنگلات سمیت دیگر شعبوں میں بھر پور فائدہ اٹھا کر ترقی کے منازل طے کئے جا سکتے ہیں گلگت بلتستان کی جغرافیاتی اہمیت بے مثال ہے تجارتی اور اقتصادی حیثیت سے مالا مال ا س صوبے کی تین ملکوں کے ساتھ سر حدیں ملتی ہیں قدرتی وسائل سے مالا مال اس خطے میں بے شمار معدنیات پہاڑوں کے اندر چھپی ہوئی ہیں جن کو کار آمد بنا کر بہترین زر مبادلہ کمایا جا سکتا ہے ۔

اس موقع پر ٹریڈ ڈویلپمنٹ اتھار ٹی آف پاکستان کے ڈائریکٹر ڈومیسٹک کامرس عاصم تیوانہ نے خطاب کرتے ہوئے کہاکہ ٹریڈ ڈویلپمنٹ اتھارٹی گلگت بلتستان میں تجارتی سر گر میوں کو فروغ دینے کے لئے موثر کردار ادا کرے گی تاکہ یہاں پر زرائع معاش کمانے کے مواقعے بڑھ سکیں گلگت بلتستان تیزی سے ترقی کررہا ہے ایسے میں سی پیک کی وجہ سے اس خطے کی اہمیت مذید بڑھ گئی ہے ۔ انہوں نے کہا کہ تجارتی سرگر میوں کو فروغ دے کر گلگت بلتستان کی معیشیت کو بڑھایا جا سکتا ہے اور غربت کی سطح کو مذید کم کیا جاسکتا ہے ۔

سیمنار کے دوران سیکریٹری سیاحت راجہ رشید علی نے خطاب کرتے ہوئے کہا کہ گلگت بلتستان میں سیاحوں کی تعداد میں تیزی کے ساتھ اضافہ ہو رہا ہے سالانہ سیاحوں کی تعداد میں 25 سے 30 فیصد تک اضافہ ہو رہا ہے اور سیاحوں کی زیادہ تعداد ملکی ہے۔ انہوں نے کہا کہ سیاحوں کی تعداد بڑھنے سے گلگت بلتستان میں ہوٹلنگ کا شعبہ تیزی کے ساتھ ترقی کر رہا ہے ۔ اور علاقے میں عوام کی معاشی حالت بھی بہتری کی جانب گامزن ہے ۔

تقریب کے دوران محکمہ جنگلات کے منصوبے نان ٹمبر فاریسٹ پراڈکٹس کے پراجیکٹ ڈائریکٹر باسط خان خطاب کرتے ہوئے گلگت بلتستان میں پائی جانے والی قیمتی جڑی بوٹیوں کے حوالے سے تفصیلی بریفنگ دی ۔ سیمنار کے آخر میں فورس کمانڈر نے ٹریڈ ڈویلپمنٹ اتھارٹی کے زیر اہتمام تین روزہ جیمز ایکسپو نمائش کے سٹالز کا بھی معائنہ کیا اور مقامی سطح پر تیار ہونے والے پراڈکٹس کی تعریف کی ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔