یورپی یونین کے سفیر اور دیگر غیر ملکی سفیروں نے گلگت کا دورہ کیا، مختلف منصوبوں پر تفصیلی بریفنگ دی گئی

گلگت: یورپی یونین کا سفیر، ڈپٹی ہائی کمشنرکینڈا، سوئزر لینڈ کا سفیر اور ناروے کے سفیر اورآغاخان ڈویلپمنٹ نیٹ ورک کے ذمہ داروں نے گلگت بلتستان کا دورہ کیا اور گلگت شہر میں آغا خان ہائر سکنڈری سکول اور ذوالفقار آباد میں واسپ اور گلگت بلتستان حکومت کی اشتراک سے تعمیر ہونے والے صاف پانی کے پروجیکٹ کا دورہ کیا اس موقع پر چیف ایگزیکٹیو آفیسر نواب جان اور ڈائریکٹر ابرار احمد نے تفصیلی بریفنگ دی غیر ملکی سفراء کے ساتھ صوبائی وزیر تعمیرات عامہ ڈاکٹر محمد اقبال اور سابق نگران وزیر اعلیٰ شیر جہان میر اور دیگر سماجی شخصیات موجود تھے اس حوالے سے ذوالفقار آباد میں پروقار تقریب کا انعقاد کیا گیا تقریب سے خطاب کرتے ہوئے یورپی یونین کے سفیر نے کہا کہ مجھے اور میری ٹیم کو بہت خوشی ہورہی ہے کہ آپ نے ہمیں عزت دی اور ہماری حوصلہ افزائی کی آپ نے اس پروجیکٹ میں اپنا حصہ ڈال کر اسے کامیاب بنایا ہے جس کیلئے آپ مبارک باد کے مستحق ہیں مستقبل میں ہم گلگت بلتستان میں اکنامک سنٹرز کی تعمیر کیلئے اپنا حصہ ڈالیں گے تاکہ یہاں کے عوام کی معیار زندگی بہتر ہو سکے۔

تقریب سے صوبائی وزیر تعمیرات ڈاکٹر اقبال نے خطاب کرتے ہوئے غیر ملکی سفراء کو گلگت بلتستان آمد پر خوش آمدید کہا اور گلگت بلتستان کی صوبائی حکومت کے اقدامات بالخصوص پانی کے حوالے سے صوبائی حکومت اور واسپ کے معاہدوں کا ذاکر کیاانہوں نے کہاکہ گلگت بلتستان میں آغا خان نیٹ ورک کے اداروں کا کردار کسی سے ڈھکی چھپی نہیں ہے اس ادارے نے یہاں کے عوام کی تعمیر و ترقی کیلئے کلیدی کردار دا کیا ہے اور ہمیں امید ہے کہ یہ مستقبل میں اپنا کردار نبھائیں گے انہوں نے غیر ملکی سفیروں کو مخاطب کرتے ہوئے کہاکہ گلگت بلتستان کا شمار دنیا کے خوبصورت ترین حصوں میں ہوتا ہے اور کہا کہ سیاحوں کی آمد کے حوالے سے یورپ میں آگاہی دیں انہوں نے کہا کہ گلوبل پیس انڈس نے گلگت بلتستان کو دنیا کا پرامن جگہ قرار دیا ہے انہوں نے کہاکہ آپ اے کے ڈی این کے ذریعے فنڈنگ کریں تاکہ وہ فنڈز صحیح جگہے تک پہنچ سکیں تقریب سے سابق نگران وزیر اعلیٰ شیر جہاں میر نے خطاب کرتے ہوئے کہا کہ یہاں کے عوام کے لئے چند اور اقدامات کرنے کی ضرورت ہے تاکہ اس سے صحت مندانہ سرگرمیوں کا آغاز ہوسکے انہوں نے کہاکہ یہاں سپورٹس کمپلیکس اور لائبریری بنانے کی ضرورت ہے تاکہ یہاں کے عوام کی بنیادی ضررویات پوری ہوسکیں۔